શું તમે ક્યારેય નોંધ્યું છે કે તમારા વિચારો તમને વિરુદ્ધ દિશાઓમાં ખેંચે છે, છતાં તેમાંથી કોઈ પણ તમારી સાચી ઓળખ નથી?
તમારા વિચારો તમને નિયંત્રિત કરતા નથી એ એક એવો સત્સંગ છે જે એક મુક્તિદાયક સત્ય પ્રગટ કરે છે: વિચારો, લાગણીઓ અને વૃત્તિઓ એ મનનું હલનચલન છે, આત્માનું નહીં. પૂજ્ય ગુરુદેવશ્રીના જ્ઞાનથી પ્રેરિત, આ સત્સંગ એ વાત પર પ્રકાશ પાડે છે કે શા માટે મન એક લોલકની જેમ રાગ અને દ્વેષ, ભોગ અને ત્યાગ વચ્ચે ઝૂલ્યા કરે છે, અને કેવી રીતે આ માનસિક હિંચકાઓને 'ધર્મ' માની લેવાની ભૂલ આપણને બંધનમાં રાખે છે.
સ્પષ્ટ સમજણ અને વ્યવહારુ દ્રષ્ટાંતો દ્વારા, આપણે માનસિક વૃત્તિઓ અને સાચા ધર્મ વચ્ચેનો તફાવત, રાગ-દ્વેષના સૂક્ષ્મ બંધનો અને આપણી સ્વાભાવિક સ્થિતિ એવી 'અનાસક્તિ' ની શક્તિ વિશે ચિંતન કરીશું. આ સત્સંગ મન સાથે લડ્યા વગર કે તેને દબાવ્યા વગર, ટેવવશ થતી પ્રતિક્રિયાઓથી ઉપર ઉઠવા માટે સાક્ષીભાવ, સમ્યગ્ દર્શન અને જાગૃત આત્મ-સુધારણા જેવા આંતરિક સાધનોનો પરિચય આપે છે.
બાહ્ય જગતને બદલવાને બદલે, આ સત્સંગ જીવનમાં એક ઊંડા પરિવર્તનનું આમંત્રણ આપે છે: જીવનના કેન્દ્રને પદાર્થો, ભૂમિકાઓ અને વૃત્તિઓથી હટાવીને અપરિવર્તનશીલ 'આત્મા' પર સ્થિર કરવું. જ્યારે આ કેન્દ્ર બદલાય છે, ત્યારે કર્મો હળવા બને છે, ભયની પકડ ઢીલી થાય છે અને જીવન વધુ મુક્ત અને સહજ બને છે.
સ્પષ્ટતા, સાચી સમજણ અને અનાસક્તિ દ્વારા વિચારોના નિયંત્રણમાંથી મુક્ત થઈને પૂર્ણતાથી કેવી રીતે જીવવું, તે જાણવા માટે અમારી સાથે જોડાઓ.
અમારા વિષે:
શ્રીમદ્ રાજચંદ્ર મિશન ધરમપુર (SRMD) એ જ્ઞાન, ધ્યાન અને નિઃસ્વાર્થ સેવા દ્વારા આંતરિક રૂપાંતરણ માટે વૈશ્વિક આધ્યાત્મિક અભિયાન છે. 19મી સદીના અંતમાં થયેલ આત્મજ્ઞાની સંત, કવિ, તત્વચિંતક શ્રીમદ્ રાજચંદ્રજીના ઉપદેશોથી પ્રેરિત, SRMD વિશ્વભરમાં છ ખંડોમાં 206 કેન્દ્રો દ્વારા કાર્યરત છે. પ્રબુદ્ધ ગુરુ, આધ્યાત્મિક આર્ષદ્રષ્ટા અને SRMD ના સંસ્થાપક પૂજ્ય ગુરુદેવશ્રી રાકેશજી સિદ્ધાંત સાથે અનુભવ અને બુદ્ધિ સાથે હૃદયનો સુમેળ સાધી, વિશ્વભરના લાખો સાધકોને સક્ષમ બનાવી તેમનો આત્મવિકાસ સાધી રહ્યા છે.